Վարչապետ Նիկոլ Փաշինյանը Ջերմուկում է: Նա նախապես չէր տեղեկացել, որ նման մտադրություն ունի, իսկ բնակիչներն էլ իմանալով վարչապետի այցի մասին՝ արագ ինքնակազմակերպվեցին եւ այս պահին քայլերթով եւ «Ամուլսարն առանց հանքի» վանկարկումներով շարժվում են դեպի Ջերմուկի քաղաքապետարան: Բնակիչները նույնիսկ կոչ էին անում սեպտեմբերի 1-ին երեխաներին չուղարկել դպրոց:
Նիկոլ Փաշինյանն այցելեց Ջերմուկի բնակիչներից մեկի տուն ու դիմելով տանտիրուհուն՝ հարցրեց.
«Ի՞նչ եք մտածում Ամուլսարի մասին»:
«Բացասական, չենք ուզում, որ հանքը շահագործվի»,- ասաց բնակչուհին:
«Իսկ եթե ապացուցվի, որ անվտանգ է»,- հարցրեց վարչապետը:
«Դարձյալ համաձայն չեմ, քանի որ առողջարանի կողքին չի կարող հանք լինել»,- ընդգծեց կինը:
Արդեն հայտնել էինք, որ վարչապետ Նիկոլ Փաշինյանը ժամանել է Ջերմուկ՝ հանդիպելու ջերմուկցիների հետ:
