«Մի արեք, մեղք եք գործում, վերևն աստված կա․ Դա աններելի մեղք է». Ստյոպա Սաֆարյան

Ստյոպա Սաֆարյանը ֆեյսբուքյան իր էջում գրել է․

Գյումրեցի հիվանդ կնոջ՝ Մարիամի վերջին նախադասությունը վերաբերում էր նրան, որ վարչապետը քայլում է ուրիշի «կառուցած» փողոցով։ Այս «տեքստը» այսօր քանիցս հանդիպեցի ֆեյսբուքում Փաշինյանի ընդդիմախոսների տարբեր գրառումներում, ինչը հիմք է տալիս մտածել, որ հիվանդ կնոջը սովորեցրել, «սրսկել» են այդ տողերը ու օգտագործել նրան ներքաղաքական կեղտոտ խաղերում։

Մի արեք, մեղք եք գործում, վերևն Աստված կա։ Դա աններելի մեղք է։ Ի վերջո, Փաշինյանն ստացել է ընտրողների 70 տոկոսը, մյուս 30 տոկոսը նրան չի ընտրել։ Ու բնական է, որ միջինացված ամեն 10 ընտրողից 3-ը կամ նախընտրում է ուրիշին, կամ դեմ է նրան։

Պարտադիր չէր Գյումրիում հիվանդ կնոջ գտնեիք, որ Փաշինյանին քննադատեր։ Առանց ձեր գտնելու էլ պարզ է բոլորիս, որ այդպիսի քաղաքացիներ կան։ Բայց հիվանդ կնոջն օգտագործելն ու նրան ժողովրդական ծաղրի առարկա դարձնելը ստորություն է։