Այսօր ՀՀ վարչապետ Նիկոլ Փաշինյանը Մարալիկում մասնակցում էր գործարանի բացման: Նրան հանդիպելու համար մեծ թվով մարալիկցիներ էին հավաքվել, ովքեր ցանկանում էին զրուցել վարչապետի հետ և պատմել իրենց նախկին գյուղապետի մասին: Սակայն Նիկոլ Փաշինյանը չխոսեց նրանց հետ:
ՀՀ վարչապետ Նիկոլ Փաշինյանը Մարալիկում մասնակցեց բամբակամանվածքային գործարանի բացման արարողությանը: Օգոստոսի 10-ին վարչապետը շրջեց գործարանի տարածքով և ծանոթացավ ընթացող աշխատանքներին:
Գործարանի համասեփականատեր Գևորգ Գասպարյանը նշեց, որ թել արտադրող իրենց գործարանն իր շուրջը կհամախմբի ամբողջ տեքստիլը:
«Բազմաթիվ փոքր գործարաններ կսկսեն աշխատել և հսկայական աշխատատեղ կապահովվի»,- ասաց նա:
