Անանուն միլիոնատերը դիմել է շքեղության ապրանքների առցանց-խանութ՝ իր հարսնացուի համար սիրեկան գտնելու խնդրանքով: Միլիոնատերը մտավախություն ունի, որ իր ընտրյալին հետաքրքրում է միայն փողը:
Կասկածներից ազատվելու համար միլիոնատերը որոշել է երիտասարդ գրավիչ տղամարդ վարձել, որը կփորձի գայթակղել իր հարսնացուին: Այս դերի հավակնորդը պետք է լավ մարզավիճակում լինի, դեմքի առատ մազածածկույթ ունենա և հարուստ մարդու տպավորություն թողնի:
Գայթակղիչին կտրամադրվի շքեղ բնակարան, մի քանի թանկարժեք ավտոմեքենա և ծախսերի համար գումար: Բացի այդ, իր աշխատանքի դիմաց նա 15 հազար ֆունտ ստեռլինգ կստանա:
