ԱՄՆ-ի Այովա նահանգում լույս աշխարհ է եկել ընդամենը 370 գրամ քաշով երեխա: Փոքրիկը ժամկետից շուտ է ծնվել՝ հղիությն 23-րդ շաբաթում: Մոր մոտ պտղաջրերի անսպասելի հոսք է տեղի ունեցել, որից հետո նրան շտապ հոսպիտալացրել են: Բժիշկները որոշել են շտապ կեսարյան հատում անցկացնել:
Մինչեւ նոյեմբեր փոքրիկը, որին կոչել են Ջեյդեն, պետք է ինտենսիվ թերապիայի բաժանմունքում բուժում անցնի, սակայն նրա ծնողները լավատես են եւ միայն դրական սպասումներ ունեն:
Ամերիկացի մասնագետների գնահատականներով՝ հղիության մինչեւ 24-րդ շաբաթը ծնված երեպաների ողջ մնալու հավանականությունը 50 տոկոսից փոքր է:
