Հնդկաստանի Թամիլնադ նահանգի ստոմատոլոգիական կենտրոններից մեկում բժիշկները 7-ամյա երեխայի բերանից հեռացրել են 526 ավելորդ ատամ, գրում է The New Indian Express-ը:
Երեխան շարունակ գանգատվել է՝ մատնացույց անելով ծնոտի աջ հատվածում առկա ուռուցքը: Ռենտգենային հետազոտությունից հետո պարզվել է, որ ուռուցքի մեջ բազմաթիվ փոքրիկ ատամներ կան:
Բժիշկները հեռացրել են անոմալ ուռուցքը: Նրանք դժվարանում են նշել դրա առաջացման պատճառը:
Այս պահին երեխան ունի 21 ատամ, ինչը նորմալ է նրա տարիքի համար:
