«Կալավանի Ռոբերտ Ղուկասյանը կնշանակվի ՀՀ վարչապետի խորհրդական». այս մասին իր ֆեյսբուքյան էջում գրառում է կատարել վարչապետ Փաշինյանը:
Որպես օրվա ամփոփում. Կալավանի Ռոբերտ Ղուկասյանի հետ պայմանավորվեցինք, որ նա 1-2 ամսվա ընթացքում կավարտի ընթացիկ գործերը եւ կնշանակվի ՀՀ վարչապետի խորհրդական՝ Կալավանի փորձը Հայաստանի այլ գյուղերում տարածելու առաքելությամբ:
Իսկ ավելի վաղ վարչապետ Փաշինյանն իր ֆեյսբուքյան էջում գրել էր.
1. Այսօր Գոշ գյուղ հենց գյուղամեջում կանգնած գյուղացիների խոստովանությամբ շուրջ 2000 տուրիստ է մտել (թող լինի 1000):
2. Մասնագետները պնդում են՝ տուրիստի թիվ 1 «նպատակը» փող ծախսելն է:
3. Գոշ գյուղը ունի շուրջ 1300 բնակիչ:
4. Գյուղամիջի մարդիկ պնդում են՝ Գոշում գործ չկա, Գոշում աշխատանք չկա:
5. Գյուղամիջի հյուրատան միակ մատուցողը տեղացի չէ: Միակ խոհարարը տեղացի չէ:
Հ.Գ. Ում գրածի ենթատեքստը պարզ չէ՝ խնդրում եմ նայել այսօրվա ուղիղ եթերը՝ Կալավան գյուղից, որտեղ հռչակավոր վանք չկա, որ ինքն իրենով ամեն օր հազարով տուրիստ բերի:
Անհատական ջանքի մասին. Ռոբերտ Ղուկասյան:
Posted by Nikol Pashinyan / Նիկոլ Փաշինյան on Wednesday, July 31, 2019
