Նիկոլն երկու ձեռք ունի, ձեզնից ամեն մեկն ունի հետույքի երկու թուշ ու

Վահրամ Թոքմաջյանն իր ֆեյսբուքյան էջում գրել է.

Ջահիլներ ջան, քանի արձակուրդի մեջ եք ու ժամանակ ունեք, մի բան պատմեմ՝ կարդացեք: Ես հին մարդ եմ: Ճիշտ է, Լեռան քարոզը չեմ տեսել, բայց Հովսեփիոս Փլավիոսի հետ պատմություն էինք գրում:

Ուրեմն 1988թ-ին, Հայաստանում շարժում սկսվեց: Ղարաբաղյան շարժում: Բացահայտ կոմիտե ուներ, ընդհատակյա և այլն: Նրանցից ոմանք նստեցին Բուտիրկա ու Մատրոսկայա Տիշինա: Ասել կուզե՝ նստելով իշխանության եկան, ոչ թե՝ բախտի բերմամբ: Ոմանք իհարկե՝ չաթլախացան, ոմանք՝ պահպանեցին էությունը և մինչ օրս տաքսի են քշում, չնայած, որ կանգնած են մեր անկախության հիմքերում:

1991թ. հոկտեմբերի 16-ին, ՀՀ-ում եղան նախագահական ընտրություններ: Մի իմաստուն մարդ կա՝ Լևոն Տեր-Պետրոսյանը: Քարոզարշավի չմասնակցեց: 83 տոկոսով դարձավ նախագահ: Էն ժամանակվա ընդդիմադիր թերթերից մեկը գրեց.«Եթե անգամ առաջադրվեին Լևոնն ու Հիսուսը, պարզից էլ պարզ է, որ հաղթելու էր Լևոնը»: Էդ մարդու նախագահությամբ պատերազմ հաղթեցինք: Կաշառքով ատոմակայան վերաբացեցինք(հա, որոշ չաթլախներ, վերաբացողին ասում են՝ փակեց, բայց թե էդ թողենք իրենց մուտիլովշչիկ խղճին): Հետո ինչ եղավ, սաղիդ հայտնի է: 

2018-ին, Հայաստանում մի լավ բան եղավ: Հետո ներկայիս իշխող ուժը վերցրեց 70 տոկոս: Ու հիմա դա շարունակվում է: Երբ Աստվածատուր Համանդացին, 1725 թվին, Էջմիածնում նստած սառը շերբեթ էր վայելում, հույսը դրած Դավիթ Բեկի վրա, օրեր անց հետույքին ձեռ տվեցին:

Հիմա ասածս ի՞նչ է: Էդ 70 տոկոսը դուք չեք վերցրել: Էդ Նիկոլն է վերցրել: Նիկոլն երկու ձեռք ունի: Ձեզնից ամեն մեկն ունի հետույքի երկու թուշ ու դժվար հասցնի ամեն մեկիդ հետույքը պահի: Լավ, ասենք ես էլ բարությունից դրդված, իմ երկու ձեռքով երկու հետույք պահեմ: Է հետո՞: Քանի նստած շերբեթ եք վայելում, էդ 70 տոկոսը հոսելով իջնում է: Մինչ այժմ, տեղի ունեցած բոլոր իրական կամ ներքաշված մեդիապատերազմները և քաղաքական կռիվները կրվել եք: Կամ ելեք գործ արեք, էդ ախմախ պոպուլիզմն ու սոցիալական բեռի բաղադրիչները մի կողմ դնելով, կամ ձեռներիդ շերբեթները սառույց սարքեք՝ հետո պետք կգա դաղած հետույքին: Դուք ոչ ատոմակայան եք վերաբացել, ավելին՝ ոչ էլ պատերազմ եք հաղթել: Նիկոլի ռեյտինգը ձեռքերդ կրակը չի ընկել: Ես էլ գնամ դաս տամ, որ հաջորդ սերունդը, միայն շերբեթ խմելով չուզենա երկիր կառավարել:.