Ամերիկյան Կոլորադո նահանգում արջը գողացել է խանութներից մեկի աղբարկղը: Պարզվել է, որ այս խանութը զբաղվում է թույլատրված թմրամիջոցների վաճառքով և աղբարկղում եղել են մարիխուանայի մնացորդներ:
Անվտանգության տեսախցիկների ֆիքսած կադրերում երևում է, թե ինչպես է արջը մտնում տարածք, ուսումնասիրում արկղերն ու մյուս տարաները, հետո ընտրում է ամենամեծ աղբարկղը, փորձում է բացել այն, և երբ չի ստացվում, որոշում է այն տանել իր հետ:
Այս արջին առաջին անգամ չէ, որ նկատում են բնակիչները: Պարզվում է՝ նա Կոլորադոյում բավականին հայտնի է և նույնիսկ անուն է ստացել` Չիզբուրգեր:
