Կառավարության քայլը հասավ Շիրակի մարզ: Գյումրիում մեկնարկել է ՀՀ կառավարության կողմից նախաձեռնված «Իմ քայլը հանուն Շիրակի մարզի» բիզնես համաժողովը:
Այն հստակ նպատակ ունի՝ տեղի եւ օտարերկրյա գործարարների միջեւ բազմակողմ, փոխշահավետ համագործակցության կայացման միջոցով ստեղծել հարթակ, որը կնպաստի մարզի տնտեսության եւ համայնքների զարգացմանը: Գյումրիում է նաեւ վարչապետ Նիկոլ Փաշինյանը։ Նա մասնակցում է էքսպո-ցուցահանդեսին։
Համաժողովը հնարավորություն է ստեղծել ներկայացնելու մարզի տնտեսական ներուժը, զարգացման հեռանկարները եւ հստակ ոլորտային ներդրումային նախագծեր:
Ելնելով մարզի առանձնահատկություններից՝ համաժողովի անցկացման համար սահմանվել են ոլորտային թիրախովորված ուղղություններ: Դրանք են՝ ՏՏ/արդյունաբերություն, Տուրիզմ եւ Գյուղատնտեսություն:
