Երգիչ Գոռ Եփրեմյանն ու պարուհի, դերասանուհի Էլեն Հարությունյանը միասին հանդես էին գալիս «Ուշացած սեր» հեռուստասերիալում։ Սերիալում նրանք բազում դժվարություններ հաղթահարելուց հետո ի վերջո ամուսնանում եւ գեղեցիկ ընտանիք են կազմում։
Ֆիլմի ցուցադրման ողջ ընթացքում երկրպագուները համոզված էին, որ նրանք իրական կյանքում նույնպես զույգ են, սակայն նրանցից ոչ մեկը չէր բարձրաձայնում դրա մասին։
Երեկ երեկոյան Գոռ Եփրեմյանն իր Instagram-ում հոլովակ է հրապարակել, որում երեւում է, թե ինչպիսի գեղեցիկ առաջարկություն է արել ընտրյալին։
Հենց Էլենի ծննդյան օրը զույգն օրինականացրեց հարաբերությունները։ Հրապարակմանը կից Գոռը գրել է․ «Այո, դուք ճիշտ եք զգացել ամեն ինչ»։
