Ազգային ժողովը Շուշան Սարգսյանին ընտրել է Մրցակցության և սպառողների շահերի պաշտպանության հանձնաժողովի անդամի պաշտոնում:
Հաշվիչ հանձնախմբի նախագահ Լիլիթ Մինասյանը ներկայացրել է գաղտնի քվեարկության արդյունքները։ Շուշան Սարգսյանի թեկնածությանը կողմ է քվեարկել 60 պատգամավոր, դեմ՝ 29:
Շուշան Սարգսյանի թեկնածությունն այս պաշտոնում առաջադրել է ԱԺ «Քաղաքացիական պայմանագիր» խմբակցությունը:
Արծվիկ Մինասյանը ևս ընտրվել է Մրցակցության և սպառողների շահերի պաշտպանության հանձնաժողովի անդամի պաշտոնում:
Նրա թեկնածությանը կողմ է քվեարկել 58 պատգամավոր, դեմ՝ 42:
Արծվիկ Մինասյանն ավելի վաղ հայտարարել էր, որ ընտրվելու դեպքում օրենքով նախատեսված պահանջի համաձայն՝ կդադարեցնի կուսակցական պատկանելիությունը։
Նրա թեկնածությունն այս պաշտոնում առաջադրել էին «Հայաստան» և «Ուժեղ Հայաստան» խմբակցությունները:
