ՀՀ առողջապահության նախարար Անահիտ Ավանեսյանը ֆեյսբուքյան իր էջում տեղեկացրել է, որ Telegram-ում իր անունով և նկարով բացվել է կեղծ օգտահաշիվ՝ հորդորելով չպատասխանել հաղորդագրություններին:
«Սիրելի՛ բուժաշխատողներ, գործընկերներ
Թելեգրամյան հարթակում իմ անունով և նկարով բացվել է կեղծ օգտահաշիվ, որից նամակներ են ուղարկվում բուժաշխատողներին` կենսագրական և այլ տվյալներ ուզելու բովանդակությամբ:
Խնդրում եմ ուշադիր լինել և չպատասխանել նման հաղորդագրություններին»,- գրել է նախարարը։
