Արտաշատ համայնքի գործող ղեկավար և հոկտեմբերի 25-ի ՏԻՄ ընտրություններում «Քաղաքացիական պայմանագիր» կուսակցության ընտրական ցուցակը գլխավորող Կառլեն Մկրտչյանը մյուս թեկնածուների հետ միասին Առաջին ալիքի եթերում մասնակցել է բանավեճի:
Նա նշել է, որ 2021 թվականից ի վեր, երբ ինքն է ստանձնել քաղաքի պաշտոնավարումը, քաղաքում զգալի մեծացել են կանաչ տարածքները, իսկ Արտաշատի մաքրությունը բոլորն են տեսնում:
«Կարծում եմ՝ բոլոր բնակիչներն են գոհ մաքրության աշխատանքներից: Մեր պլաններում կա աղբի վերամշակման գործարան ստեղծելը՝ աաշխատանքներն առավել արդյունավետ դարձնելու համար»,- հայտնել է Կառլեն Մկրտչյանն ու հավելել, որ արտասահմանյան գործընկերների հետ քննարկումներ են ընթանում:
