Ոչ հայկական ծագման կանաչ թեյի խմբաքանակից նմուշառում է իրականացվել։
Այս մասին հաղորդագրություն է տարածել ՍԱՏՄ-ն։
«Ըստ Լատվիայի Սննդի և անասնաբուժական ծառայության հաղորդագրության՝ Հայաստանից ներկրված 57,6 կգ քաշով կանաչ թեյի խմբաքանակում Եվրամիությունում արգելված թունաքիմիկատ է հայտնաբերվել։
Սննդամթերքի անվտանգության տեսչական մարմինը, ներմուծող կազմակերպությունում իրականացված վերահսկողության շրջանակներում, նշված՝ ոչ հայկական ծագման թեյի խմբաքանակից նմուշառում է իրականացրել և ներկայացրել լաբորատոր փորձաքննության։
Արդյունքների մասին լրացուցիչ տեղեկատվություն կհրապարակվի Տեսչական մարմնի պաշտոնական կայքէջում»,- ասվում է հաղորդագրության մեջ։
