Գրոսմայստեր Էմին Օհանյանը Ղազախստանի Ատիրաու քաղաքում ընթացող «Atyrau Open 2026» շախմատի միջազգային մրցաշարի միանձնյա առաջատարն է:
Ինչպես հայտնել է ֆեդերացիան, Էմինը 7 հնարավորից վաստակել է 6 միավոր՝ 5 հաղթանակ և 2 ոչ-ոքի։
Առաջատարների շարքում է նաև միջազգային վարպետ Սերգեյ Սկլոկին-Բագիյանը, որն ունի 5 միավոր և կիսում է 4-րդ հորիզոնականը։
Հայաստանից մրցաշարին մասնակցում են նաև գրոսմայստեր Մամիկոն Ղարիբյանը, որն ունի 4.5 միավոր, և միջազգային վարպետ Էրիկ Գասպարյանը, որն ունի 4 միավոր։
Մրցաշարի ավարտին մնացել է երկու խաղափուլ։
