Մանկավարժական համալսարանի հոգաբարձուների խորհուրդը ԿԳՄՍ նախկին փոխնախարար Արաքսյա Սվաջյանին հաստատել է ռեկտորի պաշտոնակատարի պաշտոնում։
Ըստ ԿԳՄՍ նախարար Ժաննա Անդրեասյանի՝ Արաքսյա Սվաջյանի ունեցած փորձն ու իրականացրած աշխատանքը կարևոր նախադրյալներ են համալսարանի ղեկավարման համար։
Բուհի ղեկավարի հաստիքը թափուր դարձավ 2025-ի հոկտեմբերին, երբ Հակակոռուպցիոն կոմիտեի կողմից իրականացվող քրեական վարույթի շրջանակներում ձերբակալվեցին նախկին ռեկտոր Սրբուհի Գևորգյանը և պրոռեկտորներից մեկը։
Նախկին ռեկտորը օգոստոսին վիճարկել էր բուհի հոգաբարձուների խորհրդի՝ իր լիազորությունները դադարեցնելու մասին որոշումը։
Մինչև Արաքսյա Սվաջյանի նշանակումը ռեկտորի պաշտոնակատար էր «Կրթության զարգացման և նորարարությունների ազգային կենտրոն» (ԿԶՆԱԿ) հիմնադրամի կրթական նորությունների և հետազոտության վարչության պետ Լիլիթ Մկրտչյանը։
Նա նշանակվել է Բարձրագույն կրթության և գիտության կոմիտեի նախագահի տեղակալի պաշտոնում։
