Աշխատանքային կենսաթոշակի նշանակման նպատակով քաղաքացիների ներկայացրած դիմումների հիման վրա կայացված որոշումները այսուհետև կուղարկվեն ինքնաշխատ եղանակով՝ դիմումում նշված հեռախոսահամարին SMS հաղորդագրության միջոցով։
Ինչպես հայտնել է ՄՍԾ-ն, որոշմանը ծանոթանալու համար անհրաժեշտ է անցնել SMS հաղորդագրության մեջ նշված հղումով և բացել ծանուցագիրը։
Ծանուցագիրը պարունակում է տեղեկատվություն կենսաթոշակի նշանակման ժամկետի և չափի,
հաշվարկված աշխատանքային ստաժի, կամ կենսաթոշակ նշանակելը մերժելու պատճառների վերաբերյալ։
Լրացուցիչ հարցերի դեպքում պետք է զանգահարել 114 հեռախոսահամարով, գրավոր դիմել info@socservice.am էլեկտրոնային փոստի հասցեին կամ այցելել Միասնական սոցիալական ծառայության ցանկացած տարածքային կենտրոն։
