Գյումրու Արցախ թաղամասի Աթարբեկյան 270 հասցեում աղբաբլուրներ են այրվում։
Այս մասին ահազանգում է Գյումրու ավագանու «Քաղաքացիական պայմանագիր» խմբակցությունը։
«Գյումրու իշխանությունը զավթածներ, ո՞ւր եք։
Տեղյա՞կ եք, որ հսկա մի թաղամասում ձեր անպատասխանատվության, անգործության, այս քաղաքի համար ոչինչ չանելու ձեր արատավոր քաղաքականության հետևանքով խոշոր հրդեհ է բռնկվել։
Արցախ թաղամասի Աթարբեկյան 270 հասցեում աղբաբլուրներ են այրվում, սովորական կենցաղային աղբ, որը գոյացել է տևական ժամանակ չիրականացված աղբահանության պատճառով։
Երբ ասում ենք, որ ունակ չեք ղեկավարելու, մեր խոսքերի մեջ դիտավորություն եք որոնում։ Ձեր դատարկաբանություններին մեր պատասխանները փաստարկված են։ Այս պահին և անընդհատ ենք ասելու՝ Գյումրիում դուք գոյություն չունեք որպես իշխանություն, ձեր մոտ մինչ այս պահը ստացված է միայն քվեների առուծախն ու քաղաքը մեջ-մեջ անելու ձեր ավանդական գործը։
Դուք էլ գիտեք, որ հեռանալու եք։ Ինչքան շուտ ինքնակազմակերպվեք ու գնաք, այնքան քիչ եք խայտառակվելու, քիչ եք բացահայտելու Գյումրին զավթելու բուն նպատակն ու ձեր տերերին»,- ասվում է գրառման մեջ։
