«Հանրապետություն» կուսակցության քաղաքական խորհրդի անդամ Անահիտ Ադամյանն այն համոզմանն է, որ Հայաստանի դեմ տարվող հիբրիդային պատերազմը չի ավարտվել, քանի որ ընտրությունների արդյունքում իշխանություն չփոխվեց մեր երկրում:
Ըստ նրա՝ հիբրիդային պատերազմ կոչվածը պարզապես այլ երանգներ է ստացել և ներկայում իրագործվում է այլ եղանակներով:
Միաժամանակ Ադամյանը ընդգծում է, որ ՌԴ-ում այժմ շեշտը դրել են ՀՀ խորհրդարանական ընդդիմության վրա:
«ՌԴ-ին հաջողվեց ՀՀ խորհրդարանում տրոյական ձիերի մեծ երամակ ունենալ, շեշտը նրանց վրա է»,- «Հայկական ժամանակ»-ի տաղավարում ասում է նա:
Զրուցակցի նկատառմամբ՝ ՌԴ-ի ձեռքին այժմ մի քանի խաղաքարտ կա, որոնցից առաջինը գազն է: Ադամյանը, սակայն, շեշտում է. «Ինչ էլ անեն, TRIPP-ից չենք հրաժարվելու»:
«Հանրապետություն» կուսակցության քաղաքական խորհրդի անդամը ունի համոզմունք, որ 2018 թվականից սկսած՝ ՌԴ-ում Նիկոլ Փաշինյանին ֆետիշացնում են որպես բացասական կերպար, քանի որ այնտեղ չեն կարողանում ընկալել ընտրվող մարդուն:
Անահիտ Ադամյանը խոսել է նաև այլ թեմաների մասին, որը կարող եք դիտել տեսանյութում:
