Ժողովրդի վստահությունն ընդլայնելու խոստում տված «Ուժեղ Հայաստան»-ը 19 համայնքից կմասնակցի ընդամենը մեկի՝ Ստեփանավանի ավագանու ընտրություններին: Հոկտեմբերի 25-ին 19-ը հիմնականում խոշոր համայնքներում ավագանու ընտրություններ են և խորհրդարանական ամենամեծ ընդդիմադիր ուժը տեղական իշխանության պայքարը սահմանափակում է միայն մեկ համայնքով:
Խորհրդարանական ընտրություններից օրեր անց մանդատները վերցնելու որոշումը ընդդիմադիր խմբակցության ղեկավարը բացատրեց նաև նրանով, որ պայքարը շարունակելու են համայնքներում ու այդպես «կկտրեն Փաշինյանի կուսակցության թևերը»: Խոստումից երկու ամիս անց ինչո՞ւ նահանջեց «Ուժեղ Հայաստան»-ը, ինչո՞ւ մյուս համայնքներում չեն մասնակցում, ո՞ւր մնաց քաղաքական հակառակորդի թևերը կտրելու խոստումը: Խորհրդարանական երկրորդ ուժի պատգամավորները հրաժարվեցին «Ազատության» հարցերին պատասխանել, Նարեկ Կարապետյանն էլ զանգերին չարձագանքեց:
