Քաղաքական վերլուծաբան Էդգար Առաքելյանը կարծում է, որ Ադրբեջանի նախագահի օգնական Հիքմեթ Հաջիևի քայլը հակառակ էֆեկտը ունեցավ, ըստ նրա՝ սրանով ճշմարտությունը բացահայտվեց:
Առաքելյանը այն համոզմունքն ունի, որ Ադրբեջանը խանդով է վերաբերվում ՀՀ-ԵՄ հարաբերություններին, քանի որ մի քանի քայլ առաջ ենք:
Վերջինս «Հայկական ժամանակ»-ի տաղավարում վստահություն է հայտնում, որ սահմանների բացումը ձեռնտու է Հայաստանին, և Թուրքիան ու Ադրբեջանը փորձում են ձգձգել այդ գործընթացը:
Անդրադառնալով Սամվել Կարապետյանի այն հայտարարությանը, որ եթե Հայաստանից ռուսական ռազմաբազան դուրս գա, կմնանք անտեր, զրուցակիցը ընդգծում է. «Սամվել Կարապետյանը վախերի մեջ ապրող օլիգարխ է, ապրում է տիրոջ և ծառայի հոգեբանությամբ: Ինքը գուցե անտեր մնա, բայց ոչ Հայաստանի Հանրապետությունը»:
Ինչ վերաբերում է Քոչարյաններին, Առաքելյանը նկատում է․ «Լևոն Քոչարյանը չի ապրել Ռոբերտ Քոչարյանի կառավարման տարիներին, որ ապրեր, կիմանար՝ ռեպրեսիան որն է»:
Էդգար Առաքելյանը խոսել է նաև այլ թեմաների մասին, որը կարող եք դիտել տեսանյութում:
