«COP17-ը քաղաքական մեծ նշանակություն ունի, քանի որ մենք կարևոր, շատ կարևոր հյուրեր ենք ունենալու: Դա լավ առիթ է մեր հյուրերի հետ տարածաշրջանային երկկողմ և միջազգային օրակարգի հարցերը քննարկելու համար»:
Այս մասին ճեպազրույցի ժամանակ ասել է վարչապետ Նիկոլ Փաշինյանը:
Վարչապետը նաև տեղեկացրել է, որ COP17-ի օրերին ճանապարհներ են փակվելու, նաև մի քանի օր պետական համակարգը կանցնի հեռավար աշխատանքի:
«Ոչ թե քաղաքական ամբիցիայի համար ենք մենք COP17-ն անում, մենք դա անում ենք, որ այդ 15 հազար մարդ գա Հայաստան: Գիտենք, որ բազմաթիվ սրճարաններ, ռեստորաններ, խանութներ, տաքսիներ, հյուրանոցներ, հյուրատներ և այլ ծառայություններ կան, դրանցից oգտվելու են, փող են ծախսելու, և մեր քաղաքացիները փող են աշխատելու»,- ասել է նա:
Այս համատեքստում անդրադառնալով արձանագրվող գնաճին՝ Փաշինյանը հաստատել է՝ գնաճային երևույթներ կան, բայց նաև նկատել՝ ինչքան Հայաստանի պահանջարկը մեծանա, գնաճային երևույթները մեծանալու են:
