Ռուսական անօդաչու սարքերը հարձակվել են Ուկրաինա-Լեհաստան սահմանին գտնվող «Յագոդին-Դորոհուսկ» միջազգային անցակետի մոտակայքում գտնվող ավտոլցակայանի վրա:
Լեհաստանի սահմանի մոտ գտնվող բենզալցակայանի վրա հարձակման հետևանքները ցուցադրող տեսանյութերում երևում է կայանը կլանող մեծ հրդեհը։ Այրվել են նաև բեռնատարներ։
Ո՛չ ուկրաինական, ո՛չ էլ լեհական կողմերը չեն մեկնաբանել դեպքը:
Վոլինի մաքսային ծառայության ներկայացուցիչ Վալենտինա Չերնիշը հետագայում հաստատել է այս տեղեկությունը։ Նրա խոսքով՝ օդային հարձակման ժամանակ բոլոր սահմանային գործողությունները դադարեցվել են, և մարդիկ ապաստարաններ են գտել:
Ուկրաինայի արտաքին գործերի նախարար Անդրեյ Սիբիհան ավելի ուշ արձագանքել է ուկրաինա-լեհական սահմանին ռուսական հարվածներին։
«Յագոդինում ուկրաինա-լեհական սահմանին Ռուսաստանի բարբարոսական հարվածները պարզապես Ուկրաինայի պետական սահմանների վրա հարձակումների շարունակությունը չեն։ Սա Պուտինի ահաբեկչությունն է, որը ուղիղ թակում է ԵՄ-ի և ՆԱՏՕ-ի դռները։ Ռուս բարբարոսներն արդեն ձեր դարպասների մոտ են, սիրելի՛ գործընկերներ», — ընդգծել է նա։
