Ուկրաինական զինված ուժերը Անօդաչու թռչող սարքերով հարվածել են ՌԴ մի շարք քաղաքների:
ԱԹՍ-ների հարձակման հետևանքով Սարատովում վնասվել է քաղաքացիական ենթակառուցվածք, հայտնել է Սարատովի մարզպետ Ռոման Բուսարգինը։
Նախնական տվյալներով՝ կան տուժածներ։
Դոնեցկի ղեկավար Դենիս Պուշիլինն էլ հայտնել է, որ Ուկրաինայի զինված ուժերի հարվածային ԱԹՍ-ների հարձակումների հետևանքով սեպտեմբերի 7-ի երեկոյան վիրավորվել է 13 խաղաղ բնակիչ, այդ թվում՝ 1 դեռահաս։
Հարձակման են ենթարկվել կայարանամերձ հրապարակն ու երկաթուղային կայարանը, տուժածների թվում է «Դոնեցկ-Իլովայսկ» երթուղու էլեկտրագնացքի ուղեկցորդը։ Տրոլեյբուսի վրա կատարված հարձակման հետևանքով ծանր վիրավորում է ստացել տրոլեյբուսի վարորդը։
Ռոստովի մարզում գիշերը խոցվել է շուրջ 100 ԱԹՍ։
