Անթալիայում արդեն երկրորդ օրն է, ինչ մոլեգնում են հզոր անտառային հրդեհներ։
Anadolu գործակալության փոխանցմամբ՝ ուժեղ քամիները բարդացնում են հրդեհաշիջման աշխատանքները, հայտնել են նահանգային վարչակազմը և Թուրքիայի անտառտնտեսության վարչությունը։
Հրդեհների մարմանը մասնակցում են 3 ինքնաթիռ, 9 ուղղաթիռ, 110 հրշեջ մեքենա և 4 ծանր տեխնիկա։
Դեպքի վայրում աշխատում է 866 փրկարար։
Հրդեհի տարածման պատճառով իշխանությունները փակել են Հյուսիսային օղակաձև ճանապարհը և Անթալիա-Իսպարտա մայրուղու մի մասը։
Ավելին, հրդեհի շառավղով տարածքներից տարհանվել են բնակիչները։
Սերիկում այրվել է հինգ տուն, վնասվել են ջերմոցներ և գյուղատնտեսական հողամասեր։ Երեք մարդ վիրավորվել է և տեղափոխվել հիվանդանոց։
