ERT-ն հաղորդում է, որ Հունաստանի արևելքում ավիաշոուի ժամանակ F-4 Phantom վթարի է ենթարկվել կործանիչը, ինչի հետևանքով օդաչուների ճակատագիրը անհայտ է մնում։
«Շաբաթ օրը, Մոսկվայի ժամանակով ժամը 15:00-ից կարճ ժամանակ առաջ, F-4 Phantom ռազմական կործանիչը վթարի է ենթարկվել Տանագրայում ցուցադրական թռիչքի ժամանակ», – հաղորդել է հեռուստաալիքը։
Ըստ ERT-ի՝ ցուցադրական ծրագրի մեկնարկից մի քանի րոպե անց ինքնաթիռը սկսել է կորցնել բարձրությունը։ Գետնին բախվելիս տեղի է ունեցել պայթյուն, և հրշեջները ներկայումս մարում են հրդեհը՝ օգտագործելով ուղղաթիռներ։ Հեռուստաալիքը նշում է, որ հայտնի չէ, թե արդյոք ինքնաթիռում գտնվող երկու օդաչուները ժամանակին են ինքնանետվել։
Նախնական տեղեկությունների համաձայն՝ ինքնաթիռը բաժանվել է երկու մասի․ երկուսն էլ բռնկվել են։ Հունաստանի պաշտպանության նախարար Նիկոս Դենդիասը վթարից հետո շտապ վերադառնում է Աթենք, հաղորդում է ERT-ն։
