Թուրքիայի նախագահ Ռեջեփ Թայիփ Էրդողանը և Ադրբեջանի նախագահ Իլհամ Ալիևը Բիշքեկում հանդիպել են, քննարկել Թուրքիայի և Ադրբեջանի միջև երկկողմ հարաբերությունները, ինչպես նաև տարածաշրջանային և համաշխարհային զարգացումները։
Այս մասին հայտնել է Թուրքիայի նախագահի աշխատակազմի հաղորդակցության բաժինը։
Հաղորդագրության համաձայն՝ առաջնորդները քննարկել են Թուրքիայի և Ադրբեջանի միջև երկկողմ հարաբերությունները, ինչպես նաև տարածաշրջանային և համաշխարհային զարգացումները։
Նախագահ Էրդողանը նշել է, որ տարածաշրջանային ներկայիս պայմանները ավելի ակնհայտ են դարձրել Թուրքիայի և Ադրբեջանի կողմից համագործակցության, մասնավորապես էներգետիկայի, ենթակառուցվածքների և տրանսպորտի ոլորտներում ձեռնարկվող քայլերի կարևորությունը։
Էրդողանը հայտարարել է, որ Թուրքիան կշարունակի նպաստել Ադրբեջանի և Հայաստանի միջև խաղաղության գործընթացին, և ընդգծել է, որ խաղաղությունը կենսական նշանակություն կունենա ամբողջ տարածաշրջանի համար։
Հանդիպման ընթացքում Թուրքիայի նախագահը նաև Իլհամ Ալիևին հրավիրել է մասնակցելու COP31 գագաթնաժողովին, որը տեղի կունենա Անթալիայում։
