Օգոստոսի 23-ին Ղազախստանում սկսվել է միապալատ խորհրդարանի՝ քուրուլթայի ընտրության քվեարկությունը։
Առաջին անգամ անցկացվում են ընտրություններ՝ հուլիսի 1-ին նոր սահմանադրության ուժի մեջ մտնելուց հետո։ Ղազախստանի նոր սահմանադրությունը, ի թիվս այլ բաների, նախատեսում է երկպալատ խորհրդարանից (Սենատ և Մաջիլիս) անցում միապալատ խորհրդարանի։
Ղազախստանում քվեարկելու իրավունք ունի ընդհանուր առմամբ 12,6 միլիոն մարդ։ Երկրում և արտերկրում քվեարկելու համար բացվել է 10 հազար 400 ընտրատեղամաս։ Ընտրվելու է խորհրդարանի 145 անդամ։
Ընտրություններն անցկացվում են միայն կուսակցական ցուցակներով (նախկինում անդամներն ընտրվում էին նաև միամանդատ ընտրատարածքներից)։
Քվեաթերթիկում ներառված է յոթ կուսակցություն՝ «բոլորին դեմ» տարբերակով։ Խորհրդարանի անդամներն ընտրվում են հինգ տարի ժամկետով։ Ընտրությունները համարվում են կայացած, եթե մասնակցությունը գերազանցում է 50%-ը։
Ղազախստանի Կենտրոնական ընտրական հանձնաժողովը հայտարարել է, որ ընտրողների մասնակցությունը կազմել է 17.96% քվեարկության սկսվելուց երեք ժամ անց։
