Բելառուսի նախագահ Ալեքսանդր Լուկաշենկոն ծննդյան օրվա առթիվ շնորհավորել է Ամենայն Հայոց Կաթողիկոս Գարեգին Երկրորդին։
«Ձեր ողջ կյանքը բարձր ծառայության, նվիրումի և քրիստոնեական եկեղեցուն ու հայ ժողովրդին անմնացորդ նվիրվածության օրինակ է», — ասված է շնորհավորական տեքստում։
Ձեր անդուլ հովվական գործունեությունը, իմաստուն առաջնորդությունը և հավատարմությունը ավանդական արժեքներին խոր հարգանք են վայելում ինչպես Հայաստանում, այնպես էլ նրա սահմաններից շատ հեռու», — ընդգծել է բելառուս առաջնորդը։
Ալեքսանդր Լուկաշենկոն Գարեգին Երկրորդին մաղթել է քաջառողջություն, անսպառ էներգիա և հաջողություններ։
Նշենք, որ այսօր Գարեգին Բ-ի 75-ամյակն է։
