Ոստիկանությունը այժմ ծավալուն միջոցառումներ է իրականացնում օգոստոսի 10-ին Երևանի Հալաբյան փողոցի շենքերից մեկի մոտ հայտնաբերված երեխայի հետ կապված դեպքի բացահայտման ուղղությամբ: Այս մասին Zarkerak.am-ի հետ զրույցում հայտնեց ՆԳՆ խոսնակ Նարեկ Սարգսյանը:
Առողջապահության նախարարությունից էլ հայտնեցին, որ նորածնի վիճակը այս պահին բավարար է և նրա կյանքին սպառնացող վտանգ չկա:
Նշենք, որ նորածինը իգական սեռի է, քաշը 2550 գրամ, իսկ հասակը՝ 48 սմ:
Հիշեցնենք, որ նախօրեին ժամը 20.43-ին, ՆԳՆ օպերատիվ կառավարման կենտրոն ահազանգ էր ստացվել, որ Երևանի Հալաբյան փողոցի 13 շենքի մոտ շորի մեջ փաթաթված նորածին երեխա կա։ Ոստիկանների օպերատիվ գործողությունների շնորհիվ նորածինն արագ տեղափոխվել էր բժշկական կենտրոն։
