ԵՄ ընդլայնման հարցերով հանձնակատար Մարթա Կոսը հայկակական ծիրանից ջեմ է պատրաստել։
Այս մասին նա գրել է սոցցանցի իր էջում և լուսանկարներ հրապարակել։
«Ես այս ջեմը պատրաստեցի հայկական ծիրանից։
Ծիրանները խորհրդանշում են Հայաստանում տեղի ունեցող փոփոխությունները։ Անցյալ ամսվա ընտրություններում հայերի մեծամասնությունը քվեարկեց ԵՄ-ի հետ ավելի սերտ համագործակցություն ձգտող կուսակցությունների օգտին։ Ռուսաստանը փորձեց ազդել քվեարկության վրա՝ սահմանափակելով հայկական մրգերի և ծաղիկների ներմուծումը։ ԵՄ-ն, իր հերթին, օգնեց Հայաստանին՝ բացելով իր շուկան այս ապրանքների շատերի համար։
Ահա թե ինչու ես անցյալ շաբաթ Հայաստանում էի և վերադարձա Բրյուսել՝ ծիրանի մի հսկայական զամբյուղով։ Դրանցից շատերը գնացին ընկերներիս մոտ։ Մնացածը ես մուրաբա պատրաստեցի։
Ընկերներիցս մեկը նայեց ջեմին և ասաց. «Ազատության տարաներ»։ Ես մտածեցի, որ դա գեղեցիկ ձևակերպում էր։
Երբ այցելում եք սուպերմարկետ, ուշադրություն դարձրեք հայկական ծիրանին, սալորին կամ բալին։ Սա հնարավորություն է անել մի փոքր բան, որը կօգնի հայ գյուղացիներին և կաջակցի երկրի ժողովրդավարական ընտրություններին»,- գրել է նա։
