Այս ամառ՝ հունիս ամսին, իրենց սիրելիներին հավերժ սիրո երդում տվեցին Հայաստանիի ֆուտբոլի ազգային հավաքականի 4 ֆուտբոլիստներ: Նրանք են Հենրի Ավագյանը, Անդրե Կալիզիրը, Ռումյան Հովսեփյանը եւ Հենրիխ Մխիթարյանը: Հենրի Ավագյանը նշված ֆուտբոլիստներից վերջինն էր, որի ամուսնության մասին հայտնի դարձավ: «Ալաշկերտի» 23-ամյա դարպասապահն ու նրա ընտրյալը շարունակում են սոցիալական ցանցերում կիսվել գեղեցիկ լուսանկարներով: Ավագյանից առաջ շնորհավորելու առիթ կար Ռումյան Հովսեփյանին: Կիսապաշտպանը նույնպես սիրով տարածում է լուսանկարները: 27-ամյա ֆուտբոլիստն անձնական կյանքը դասավորելուց հետո վերջերս լուծեց նաեւ գործնական հարցերը: «Փյունիկից» հեռանալուց հետո տեղափոխվեց բուլղարական «Արդա»:
Հենրի Ավագյանը սիրելիի հետ
Ռումյան Հովսեփյանը սիրելիի հետ
Անդրե Կալիզիրի հարսանիքի հետ կապված մի փոքր հակասական տրամադրություններ առաջացան երկրպագուների մոտ: Պատճառն այն է, որ պաշտպանը հասրանիքը պլանավորել էր այն շրջանում, երբ ազգային ընտրանին հանդիպումներ ուներ Եվրո 2020-ի ընտրական փուլի շրջանակներում: Նա չմասնակցեց հավաքին ու խաղերին, ինչը միանշանակն չընդունվեց:
Անդրե Կալիզիրն ու իր ընտրյալը
Իհարկե ամենամեծ արձագանքը ստացավ Հենրիխ Մխիթայանի ամուսնությունը հայտնի գործարար Միքայել Վարդանյանի դստեր՝ 23-ամյա Իզաբելլա Վարդանյանի հետ: «Արսենալի» 30-ամյա կիսապաշտպանի հարսանիքը տեղի ունեցավ Իտալիայում՝ Սուրբ Ղազար կղզու Մխիթարյան միաբանության եկեղեցում: Այնուհետեւ զույգը մեկնեց Մալդիվներ՝ մեղրամսի: Հարսանիքից հետո մի քանի օր համացանցում պտտվում էին պսակադրության ու խնջույքի տեսանյութերը եւ լուսանկարները:
Հենրիխ Մխիթարյանը սիրելիի հետ
Իսկ առաջիկայում Մխիթարյանին սպասում են ապագա կարիերայի հետ կապված հարցերը: Բրիտանական մամուլը շարունակ պնդում է, որ գումար խնայելու նպատակով լոնդոնյան ակումբի ղեկավարությունը լրջորեն դիտարկում է նրա ծառայություններից հրաժարվելու տարբերակը:
