ԱԺ «Քաղաքացիական պայմանագիր» խմբակցության պատգամավոր Ջուլիետա Ազարյանը «Ֆեյսբուք»-ի իր էջում գրառում է կատարել ու լուսանկարներ տեղադրել՝ արված 2018-ին ու այսօր:
«Առաջին նկարը 2018-ի գարունն է։
Նիկոլը՝ փոքր խմբով, ոտքով քայլում է Գյումրիից Երևան։
Առանց շքախմբի, առանց շքեղության, բայց՝ մեծ գաղափարով։
Երկրորդ նկարը՝ 2026-ի ապրիլի 19։
Նույն ճանապարհը։
Նույն մարդը՝ արդեն որպես ՀՀ վարչապետ։
Բայց այս անգամ նրան ուղեկցում են հարյուրավոր քաղաքացիներ, շարասյունը ձգվում է կիլոմետրերով»,- գրել է Ազարյանը:
Ավելի վաղ հայտնել էինք, որ ՀՀ վարչապետ Նիկոլ Փաշինյանը մասնակցում է Հյուսիս-հարավ ավտոճանապարհի Աշտարակ-Գյումրի հատվածի բացման ավտոերթին:
Հիշեցնենք՝ ըստ նախապես հայտարարված ծրագրի, ավտոերթի մասնակիցներն իրենց մեքենաներով ուղևորվելու են Գյումրի, Գյումրիում այցելում են թանգարաններ, եկեղեցիներ, սրճարաններ, ռեստորաններ, զբոսնելու են Գյումրիում։
Ժամը 17։00-ին Վարդանանց հրապարակում տեղի է ունենալու համերգ, որտեղ ելույթ է ունենալու նաև «Վարչաբենդը»։
