Ինչպես արդեն տեղեկացրել ենք, ՀՀ վարչապետի տիկին, «Իմ քայլը» և «Ժպիտների քաղաք» հիմնադրամների հոգաբարձուների խորհրդի նախագահ Աննա Հակոբյանը հունիսի 24-ին Մեխակավանի զորամասի սպաների կանանց հրավերով մեկնել է Արցախ:
Նա եղել է Մեխակավանում տեղակայված զորամասին կից «Արևիկ» մանկապատանեկան ստեղծագործական կենտրոնում, այնուհետ հանդիպել տեղի զորամասի զինվորների հետ:
Ավելի վաղ Աննա Հակոբյանը գրառում էր կատարել, որտեղ մասնավորապես ասվում էր.
Մի քանի տասնյակ սպաների կանանց հրավերով Արցախում եմ։
Մեկնում եմ Մեխակավան՝ ինչպես սպաների կանանց, այնպես էլ զինվորների հետ հանդիպման։
Իսկ մինչ ճանապարհ մեկնելը չէի կարող կանգառ չանել Արցախի խորհրդանիշի մոտ։
