ՀՀ կրթության, գիտության, մշակույթի և սպորտի նախարար Ժաննա Անդրեասյանի 2026 թվականի ապրիլի 9-ի թիվ 514-Ա հրամանով հաստատվել է հանրակրթական ուսումնական հաստատության ղեկավարման իրավունքի (հավաստագրի) համար հավակնորդների քննության և հավաստագրման ժամանակացույցը:
Համաձայն հաստատված կարգի՝ քննությունները տեղի կունենան ԿԳՄՍ նախարարության վարչական շենքում (հասցե՝ ք. Երևան, Կառավարական տուն N 2):
Քննական գործընթացը կիրականացվի հետևյալ օրերին.
Ապրիլի 17-ին (ժամը 14:30)
Ապրիլի 18-ին (ժամը 14:30)
Ապրիլի 22-ին (երկու փուլով՝ ժամը 10:30 և 14:30)
Ապրիլի 23-ին (ժամը 14:30)
Ապրիլի 27-ին (ժամը 14:30)
Ապրիլի 29-ին (ժամը 10:30)
Ինչպես տեղեկանում է Իրավաբան.net-ը, քննություններին կմասնակցեն հարյուրից ավելի հավակնորդներ, ովքեր հավակնում են ստանալ հանրակրթական դպրոցները ղեկավարելու իրավունքի հավաստագիր
Գործընթացի նկատմամբ հսկողությունը հանձնարարվել է նախարարի տեղակալ Արաքսիա Սվաջյանին։
