ԱՄՆ նախագահ Դոնալդ Թրամփը հայտարարել է, որ հեռախոսազրույց է ունեցել Ֆրանսիայի նախագահ Էմանուել Մակրոնի հետ՝ քննարկելով Հորմուզի նեղուցի ապաշրջափակման հնարավորությունը։
Նրա խոսքով՝ Մակրոնը չի աջակցել այդ նախաձեռնությանը։
«Ես զանգահարեցի Ֆրանսիային՝ Մակրոնին, որի կինը չափազանց վատ է վերաբերվում նրան, և նա դեռ վերականգնվում է ծնոտի հարվածից, բայց նա ինձ մերժեց»,- ասել է ԱՄՆ նախագահը:
Թրամփը մի շարք անձնական բնույթի դիտարկումներ է արել Մակրոնի մասին, որոնք ներկայացրել է որպես սեփական գնահատական։
Հորմուզի նեղուցը համարվում է ռազմավարական կարևորություն ունեցող ծովային ուղի, որի անվտանգությունը բազմիցս դարձել է միջազգային քննարկումների թեմա։
