Մարտի 31-ին համագործակցության եռակողմ պայմանագիր է ստորագրվել «Իմ քայլը» հիմնադրամի, «ԿԵՏ ՔՈՆՍԹՐԱՔՇՆ» ընկերության և Հայաստանի ազգային ագրարային համալսարանի միջև, ըստ որի ՀԱԱՀ Սիսիանի մասնաճյուղի Խելացի գյուղատնտեսության կենտրոնում կկառուցվի ագրոդրոնների ուսուցման կենտրոն։ Այս մասին հայտնում է հիմնադրամը։
«Կենտրոնի նպատակն է ճշգրիտ գյուղատնտեսության մեթոդների խթանումը Սյունիքի մարզում։
Կենտրոնում հնարավոր կլինի ուսումնական կարճաժամկետ ծրագրերով վերապատրաստվել թե՛ բուհերի ուսանողներին, թե՛ գործող ֆերմերներին»,- ասվում է հաղորդագրության մեջ։
