Իշխանությունը զավթելու հրապարակային հայտարարությունների համար տնային կալանքում գտնվող Սամվել Կարապետյանի թիմակիցները, մասնավորապես՝ նրա եղբոր որդին՝ Նարեկ Կարապետյանը, ջանք ու եռանդ չեն խնայում՝ համոզելու համար, թե իրենք նախկին իշխանությունների հետ որևէ առնչություն չունեն և չեն պատրաստվում նրանց հետ միավորվել:
Վերջիններս սա փորձում են անել այն պարագայում, երբ Նարեկ Կարապետյանի հայրը՝ Կարեն Կարապետյանը, Սերժ Սարգսյանի կառավարման տարիներին եղել է ՀՀ նախագահի աշխատակազմի ղեկավարը:
Այս հանգամանքից զատ՝ «Հայկական ժամանակ»-ը տեղեկություններ է ստացել, որ ՀՀԿ-ական մի շարք կարկառուն դեմքեր այսօր էլ ամենատարբեր միջոցներով աջակցում են Կարապետյաններին:
Ներկայացնում ենք մեր ձեռքի տակ հայտնված անունները:
Երևանի նախկին քաղաքապետ, ՀՀ տրանսպորտի և կապի նախկին նախարար Գագիկ Բեգլարյանը, որը եղել է ՀՀԿ անդամ, ներկայումս ակտիվ սատարում է «Մեր ձևով» շարժմանը՝ «Ուժեղ Հայաստան» կուսակցությանը, և զբաղվում է շարժման ֆինանսական հարցերով:
Նրա եղբայրը՝ Հակոբ Բեգլարյանը ևս սատարում է «Ուժեղ Հայաստան» կուսակցությանը:
Գագիկ Բեգլարյանի սանիկը՝ նախկին ՀՀԿ-ական Էդգար Զիլֆյանը, որը հայտնի է «Թուփակ» մականվամբ, ներկայումս ակտիվ զբաղվում է «Ուժեղ Հայաստան» կուսակցության համար նոր անդամների ներգրավմամբ։
Կարապետյաններին այսօր իր աջակցությունն է հայտնում ՀՀԿ նախկին անդամ, Արագածոտնի մարզի դատախազի նախկին տեղակալը, ՀՀԿ ցուցակով առաջադրված պատգամավորի թեկնածու Ռոլանդ Հայրապետյանը:
Նրա հայրը՝ Ռուբիկ Հայրապետյանը, որը եղել է ՀՀԿ նախկին անդամ, Արագածոտնի մարզի Ապարան քաղաքի քաղաքապետը, ևս աջակցում է «Ուժեղ Հայաստան» կուսակցությանը:
Դավիթ Կարապետյանը, որ եղել է ՀՀԿ նախկին անդամ, Արմավիրի մարզի Ծաղկունք գյուղի նախկին ղեկավարը, 2025թ. նոյեմբերի 16-ին կայացած Վաղարշապատ համայնքի ՏԻՄ ընտրություններում «Մայր Հայաստան» կուսակցության նախընտրական ցուցակի 2-րդ համարը, նույնպես սատարում է «Ուժեղ Հայաստան» կուսակցությանը:
Կարապետյաններին այսօր աջակցում է նաև ՀՀԿ անդամ, նույն կուսակցության Վանաձորի տարածքային կազմակերպության նախագահ, Վանաձորի քաղաքապետ եղած, «Ասլանյան դաշինքի» Վանաձորի ավագանու անդամ Մամիկոն Ասլանյանը:
«Ուժեղ Հայաստան» կուսակցությանն այսօր ակտիվ աջակցում է Լոռու նախկին մարզպետ Արթուր Նալբանդյանը, որը ՀՀԿ խորհրդի անդամ է, «Գազպրոմ Արմենիա» ՓԲԸ Լոռու ԳԳՄ տնօրենը: Ըստ մեր տեղեկությունների՝ նա վայելում է որոշակի հեղինակություն, Ալավերդի քաղաքում ունի ազդեցության լծակներ:
Լոռու մարզի Սարահարթ համայնքի ղեկավար Վասիլ Փիլոյանը, որը ՀՀԿ նախկին անդամ է, ևս աջակցում է «Ուժեղ Հայաստան» կուսակցությանը:
Լոռու մարզի Արջահովիտ համայնքի ղեկավար Մհեր Մինասյանը, որը ՀՀԿ նախկին անդամ է, նույնպես անդամակցում է «Ուժեղ Հայաստան» կուսակցությանը:
Լոռու մարզի Ջրաշեն համայնքի ղեկավար Վահան Ուռուսյանը, որը ՀՀԿ նախկին անդամ է, «Ուժեղ Հայաստան» կուսակցության աջակիցներից է:
Լոռու մարզի Սարամեջ համայնքի ղեկավար Հայկ Հովհաննիսյանը, որը ՀՀԿ նախկին անդամ է, ևս «Ուժեղ Հայաստան» կուսակցության աջակից է:
Լիոն Բաղդասարյանը, որը ՀՀԿ նախկին անդամ է, այժմ՝ «Գազպրոմ Արմենիա» ՓԲԸ Լոռու ԳԳՄ Տաշիրի տարածքային տեղամասի պետը, անդամակցում է «Ուժեղ Հայաստան» կուսակցությանը:
Լոռու մարզի Տաշիր խոշորացված համայնքի Սարատովկա վարչական շրջանի ղեկավար Գառնիկ Մարդոյանը, որը ՀՀԿ նախկին անդամ է, անդամակցում է «Ուժեղ Հայաստան» կուսակցությանը:
Մհեր Գյորգյանը, որը ՀՀԿ նախկին անդամ է, եղել է Լոռու մարզի Կուրթան գյուղի գյուղապետը, այնուհետև զբաղեցրել է Գյուլագարակ խոշորացված համայնքի ղեկավարի պաշտոնը, ևս ակտիվորեն ներգրավված է «Ուժեղ Հայաստան» կուսակցության Ստեփանավանի տարածքային կառույցի աշխատանքներում: Մեր տեղեկություններով՝ նա ունի շփումների լայն շրջանակ տարածաշրջանի նախկին ՏԻՄ ղեկավարների, պաշտոնյաների և համայնքի բնակիչների միջավայրում:
Կամսար Չերքեզյանը, որը ՀՀԿ նախկին անդամ է, եղել է Լոռու մարզի Սվերդլով համայնքի ղեկավարը, այնուհետև զբաղեցրել է Սվերդլով բնակավայրի վարչական ղեկավարի պաշտոնը, ևս ակտիվորեն ներգրավված է «Ուժեղ Հայաստան» կուսակցության Ստեփանավանի տարածքային կառույցի աշխատանքներում: Մեր տեղեկություններով՝ նա շփումներ է պահպանում համայնքի ազգաբնակչության տարբեր շերտերի ներկայացուցիչների միջավայրում:
Սուրեն Կարայանը, որը ՀՀԿ նախկին անդամ է, եղել է ՀՀ էկոնոմիկայի նախկին նախարար, այժմ «Հրազդան էներգետիկ կազմակերպություն» ԲԲԸ-ի գլխավոր տնօրենն է, ևս աջակցում է «Ուժեղ Հայաստան» կուսակցությանը:
Մխիթար Վարագյանը, որը ՀՀ ԱԺ ՀՀԿ խմբակցության նախկին պատգամավոր է, Շիրակի մարզի Արթիկ քաղաքի նախկին քաղաքապետը, ներկայումս նույն համայնքի ավագանու «Միասնական Արթիկ» խմբակցության ղեկավարը, սատարում է «Ուժեղ Հայաստան» կուսակցությանը։
Մեզ հասած տեղեկություններով՝ վերջինիս եղբայրը՝ Դավիթ Վարագյանը, որը բնակվում է Ղազախստանի Հանրապետությունում, որտեղ զբաղվում է գործարարությամբ, մտերիմ հարաբերություններ ունի Ղազախստանի նախկին նախագահ Ն. Նազարբաևի հետ, ինչպես նաև ՀՀ նախկին գլխավոր դատախազ Աղվան Հովսեփյանի որդու հարսանիքի կնքահայրն է, ևս «Ուժեղ Հայաստան» կուսակցության աջակիցներից է:
Արտակ Գյորգյանը, որը ՀՀԿ նախկին անդամ է, եղել է Շիրակի մարզի Մարալիկ քաղաքի քաղաքապետը, ինչպես նաև Անի խոշորացված համայնքի ղեկավարը, ներկայումս «Գազպրոմ-Արմենիա» ՓԲԸ Մարալիկ քաղաքի տարածքային մասնաճյուղի պետն է, ևս սատարում է «Ուժեղ Հայաստան» կուսակցությանը։
Թորգոմ Սահակյանը, որը ՀՀԿ նախկին անդամ է, եղել է Շիրակի մարզի Քեթի համայնքի ղեկավարը, ինչպես նաև նույն բնակավայրի վարչական ղեկավարը, ևս սատարում է «Ուժեղ Հայաստան» կուսակցությանը:
Արագած Սաղաթելյանը, որը ՀՀԿ նախկին անդամ է, եղել է Վայոց ձորի Վայք քաղաքի քաղաքապետը, այնուհետև նշանակվել է Վայոց ձորի մարզպետ, հետո եղել է ՀԷՑ ՓԲԸ «Արաքս» մասնաճյուղի «Վայք» էլցանցի տնօրեն, միաժամանակ «Եղեգնաձոր» էլցանցի տնօրենի ՊԺԿ, ներկայումս անդամակցում է «Ուժեղ Հայաստան» կուսակցությանը:
Ավետ Մարտիրոսյանը, որը ՀՀԿ նախկին անդամ է, եղել է Վայոց ձորի մարզի Եղեգնաձոր քաղաքի քաղաքապետը, աշխատել է Երևանի քաղաքապետարանի աշխատակազմում, ներկայումս աջակցում է «Ուժեղ Հայաստան» կուսակցությանը:
Վարուժան Բաղմանյանը, որը ՀՀԿ անդամ է, եղել է Տավուշի մարզի Չորաթան գյուղի գյուղապետը, ընդդիմադիր «Զորավոր համայնք» դաշինքի անդամ է և «Ուժեղ Հայաստան» կուսակցության համակիր:
Օնիկ Բալյանը, որը ՀՀԿ նախկին անդամ է, եղել է Տավուշի մարզի Արծվաբերդ բնակավայրի վարչական ղեկավարը, ընդդիմադիր «Զորավոր համայնք» դաշինքի անդամ է, ինչպես նաև «Մեր «Ուժեղ Հայաստան» կուսակցության համակիր է:
Հովսեփ Վերանյանը, որը ՀՀԿ նախկին անդամ է, եղել է Տավուշի մարզի Գոշ գյուղի գյուղապետը, ևս «Ուժեղ Հայաստան» կուսակցության համակիր է:
