Դերասան, «Քաղաքացիական պայմանագիր» կուսակցության անդամ Գոռ Համբարձումյանի խոսքով՝ ընդդիմությունը խուճապի մեջ է, քանի որ իրենց թեզերն ու իրականությունը շատ տարբեր են:
«Օգոստոսի 8-ից հետո մենք խաղաղության մեջ ենք ապրում: Խաղաղությունը պետք է պահենք, ոչ թե հույսներս դնենք, որ ուրիշները գան պահեն»,- ասում է նա:
Ըստ Համբարձումյանի՝ 2018-ից հետո մեր հասարակությունը յուղ ու բրնձով, 5000 դրամով այլևս ընտրության չի գնում. «Ցիրկի մակարդակի պոպուլիզմ է: Մեր ժողովրդին մուրացկան էին սարքել: Եթե կարծում են, որ ուժը փողի մեջ է, ուրեմն շատ թույլ են: Ուժեղը մեր զինվորներն են, զոհվածները, իսկ իրենք ո՞ւր էին պատերազմի ժամանակ՝ Մոսկվայից բանակցությունների սեղանի շուրջ վերադառնալու կոչեր էին անում»:
Զրուցակցի խոսքով՝ այդ մարդիկ ուզում են Հայաստանը դարձնել գուբերնիա և մարդկանց արյան գնով կրկին պատերազմ հրահրեն:
«Այս իշխանությունը մարդկանց ազատել է ծեծի դպրոցից: Ուզում են մեր երկիրը դարձնել գուբերնիա, որ կոնկրետ տեղից ասեն, թե ինչ անենք: Դուք միտինգ անող եք, ուղղակի միտինգ անող, միտինգների ժամանակ խորոված անող եք, մարդկանց բերում եք գցում կրակի մեջ: Ժողովուրդը հունիսի 7-ին խաղաղության մուրճը կիջեցնի ձեր գլխներին»,- ընդգծում է նա:
Առավել մանրամասն՝ «Հայկական ժամանակ»-ի հետ հարցազրույցում:
