Արձակագիր Հայկ Հովյանի խոսքով՝ երկու ամիս հետո հայ ժողովուրդը բախտորոշ որոշում կայացնելու եզրին է լինելու՝ փակո՞ւմ է հակամարտության էջը, թե՞ շարունակում է այն: Նրա նկատառմամբ՝ այս ընտրությունները նույնքան կարևոր են, որքան նշանակություն ունեին 1998-ի իրադարձությունները:
Այս մասին Հովյանն ասում է «Հայկական ժամանակ»-ի տաղավարում՝ խոսելով հունիսին սպասվող խորհրդարանական ընտրությունների մասին:
Վերջինիս խոսքով՝ Ռոբերտ Քոչարյանն ու Սերժ Սարգսյանը երբ իշխանության են եղել, միջազգային ատյաններում այլ բան են խոսել, եկել են ժողովրդի վրա այլ բան վաճառել:
Անդրադառնալով իշխանության ընդդիմախոսների պնդումներին, թե Ադրբեջանի հետ խաղաղության համար մի քանի երաշխավոր է հարկավոր, Հովյանն ասում է. «Բարի հոպարներ չկան, որ գան խաղաղություն երաշխավորեն. բանկ է, ինչ է»:
Արձակագիրը միաժամանակ նկատում է. «Ըստ ընդդիմության՝ տիեզերքը վերադասավորվել է, որ Նիկոլ Փաշինյանը վերընտրվի վարչապետ: Քոչարյանն ու Սերժ Սարգսյանն էլ փոխհրաձգության մեջ են, ամեն մեկն իր թիկունքում «աշտարակ» ունի:
Առավել մանրամասն՝ հարցազրույցում:
