ՀԷՑ ժամանակավոր կառավարիչ Ռոմանոս Պետրոսյանը հերթական նկարներն է հրապարակել ՀԷՑ-ի բաշխման ցանցի՝ նախորդիվ հիշատակված ավելի քան 10 հազար 200 հատ տրանսֆորմատորային ենթակայաններից, որոնք վերջին 40-50 տարիներին անդադար լարման տակ են առանց պատշաճ էներգատեխնիկական վերազինման ու վերակառուցման:
Նա նշել է, որ այդ թվի միայն մոտ 5%-ն է վերակառուցվել վերջին 15-20 տարիներին։
«ՏԵ-312 տրանսֆորմատորային ենթակայանը գտնվում է մայրաքաղաքի սրտում՝ Բաղրամյան պողոտայում (630 կՎԱ հզորություն, 6/0,4 կՎ լարում), և սպասարկում է շուրջ 300 սպառողների, որոնցից մոտ 40-ը հանրային սեկտորի օբյեկտ է։
Այսպիսի վիճակում գտնվող, նմանատիպ պարամետրերով օժտված շուրջ 10 հազար գործող ենթակայաններ ունենք ողջ ՀՀ-ում՝ ՀԷՑ-ի բաշխման ցանցում, որից մոտ 25%-ը մայրաքաղաքում է շահագործվում, իսկ մնացածը՝ ՀՀ մարզերում»,- մանրամասնել է նա:
