Բուշերի ատոմակայանի վրա հրթիռ է արձակվել։
Այս մասին հայտնել է Իրանի ատոմային էներգիայի կազմակերպությունը։
«Բուշերի ատոմակայանի վրա թշնամու կողմից արձակված հրթիռը նյութական վնաս կամ զոհեր չի պատճառել», — ասվում է հայտարարության մեջ։
Միջազգային ատոմային էներգիայի գործակալության գլխավոր տնօրեն Ռաֆայել Գրոսսին լուրջ մտահոգություն հայտնեց Իրանի Բուշերի ատոմակայանի անվտանգության վերաբերյալ՝ Մերձավոր Արևելքում սրվող հակամարտության ֆոնին։ Նա նշել է, որ ստեղծված իրավիճակում պետք է հաշվի առնել հարձակումների հնարավոր հետևանքները։
