«Իրանի Իսլամական Հանրապետության կողմում հասկանալի պատճառներով կան տեխնիկական խնդիրներ: Այդ տեխնիկական խնդիրները շտկվում են, կառավարվում են, և ես Ձեր հարցադրման արտակարգության որևէ առիթ չեմ տեսնում: Ամեն ինչ աշխատում է բնականոն ռեժիմով»:
Այս մասին կառավարության նիստից հետո ճեպազրույցի ժամանակ հայտարարել է վարչապետ Նիկոլ Փաշինյանը՝ անդրադառնալով հարցին, թե Ագարակի անցակետում բեռնատարների կուտակում կա, մոտ 180 մեքենա է կուտակվել, մաքսավորները չեն հասցնում սպասարկել, քանի որ կապի խնդիր կա:
«Տվյալը, թե Իրանում 180 բեռնատար կա կուտակված, չի համապատասխանում իրականությանը: 11 բեռնատար կա այս պահին, որը շատ սովորական և ամենօրյա իրադրություն է»,- ասել է վարչապետը:
