Հայաստանի զինված ուժերի բարձրաստիճան պատվիրակությունը՝ Գլխավոր շտաբի պետի տեղակալ, գեներալ-մայոր Արթուր Երոյանի գլխավորությամբ, այս շաբաթ այցելել է Միացյալ Թագավորություն՝ Հայաստանի բանակի վերափոխման գործընթացի շրջանակում։
Պատվիրակությունն այցելել է Մեծ Բրիտանիայի Պաշտպանության ակադեմիա, Սանդհերսթի Թագավորական ռազմական ակադեմիա և Պաշտպանական ուսումնասիրությունների թագավորական քոլեջ՝ ծանոթանալով ռազմական մասնագիտական կրթության, ռազմավարական առաջնորդության զարգացման, սպայական պատրաստության և պաշտպանական բարեփոխումների փորձին։
Պատվիրակությունը նաև հանդիպումներ է ունեցել Մեծ Բրիտանիայի պաշտպանության նախարարությունում՝ քննարկելով ռազմական կրթության, համատեղ զորավարժությունների և պաշտպանական տեխնոլոգիաների ոլորտներում ապագա համագործակցության հնարավորությունները։
Այցի կարևոր պահերից մեկը հայկական կողմի համար Սանդհերսթ ընդունվելու պատրաստվող սպայական կուրսանտ Նորայր Մանուկյանի հետ հանդիպումն էր։ Այցը ևս մեկ քայլ էր Հայաստանի մասնակցության ընդլայնման ուղղությամբ Մեծ Բրիտանիայի պաշտպանական կրթական ծրագրերին և ընդգծում է ՄԹ-Հայաստան ռազմավարական գործընկերության ամրապնդումը։
