Այսօր ողբերգական դեպք է տեղի ունեցել Երևանում։ Ժամը 15:00-ի սահմաններում ՆԳՆ-ում տեղեկություններ են ստացվել, որ Դավթաշենի կամրջի տակ երիտասարդ տղայի դի կա։
Ինչպես հայտնում է ֆոտոլրագրող Գագիկ Շամշյանը, դեպքի վայր ժամանած իրավապահները կամրջի տակ հայտնաբերել են Երևանի բնակիչ 22-ամյա Ա. Ա.-ի դին։
Դեպքի փաստով քննչական բաժնում նախաձեռնվել է քրեական վարույթ։
Ըստ նախնական տեղեկությունների՝ տեղի ունեցածը ինքնասպանություն է, սակայն իրավապահները աշխատում են սպանության կամ դժբախտ դեպքի վարկածների ուղղությամբ ևս։
