ԱԺ–Կառավարություն հարցուպատասխանի ընթացքում ՔՊ պատգամավոր Լիլիթ Ստեփանյանը պաշտպանության նախարար Սուրեն Պապիկյանից հետաքրքրվեց «Միասնության թևեր» շարժման համակարգող Արման Թաթոյանի այն հայտարարության վերաբերյալ, թե ՀՀ տարածքի Ջերմուկի և Գեղարքունիքի հատվածում նոր ներխուժումներ են գրանցվել։ Պապիկյանը արձագանքեց՝ «Ձեր նշած անձնավորությունը ստում է, նման բան չկա, սիրելի հայրենակիցներ»։
Նախարարի խոսքով՝ Հայաստանում կան կուսակցություններ և նրանց արբանյակներ, որոնք նպատակ ունեն սարսափ տարածել և իրավիճակը ներկայացնել ապոկալիպտիկ՝ խաթարելով խաղաղության գործընթացը։
«Դրանք մահվան, պատերազմի և ապատեղեկատվության ընդհանրական կուսակցություններ են, որոնք ձգտում են խաթարել Հայաստանի խաղաղության ճանապարհը»,- հավելեց Պապիկյանը։
