Երեկ՝ մարտի 2-ին, ավտովթար է տեղի ունեցել Կոտայքի մարզում։ Ժամը 15։00-ի սահմաններում Երևան-Գյումրի ավտոճանապարհին Պռոշյան գյուղի վարչական տարածքում բախվել են 33-ամյա Գևորգ Խ․-ի վարած վրացական համարանիշներով «BMW X5» մակնիշի և Ռուսաստանի Դաշնության քաղաքացի 25-ամյա Բրագին Ս․-ի վարած ռուսական համարանիշներով «Լադա» մակնիշի ավտոմեքենաները, ինչի հետևանքով վերջինը բախվել է բաժանարար գոտում գտնվող երկաթե էլեկտրասյանը։
Ինչպես հայտնում է ֆոտոլրագրող Գագիկ Շամշյանը, վթարի հետևանքով, ըստ նախնական տեղեկությունների բարեբախտաբար տուժածներ չկան։
Վթարի փաստով ՊԾ Կոտայքի մարզի գումարտակում փաստաթղթեր են ձևակերպվում։
