«Սուրմալու» առևտրի կենտրոնի հարակից տարածքում մետրոյի նոր կայարան կառուցելու համար հատկացված է 120 օրացուցային օր։
Այս մասին ասվել է Երևանի քաղաքապետարանի գործակարգավարական նիստի ընթացքում։
Նոր կայարան կառուցելու նպատակով կայացել է ներդրումային ծրագրի տեխնիկատնտեսական ուսումնասիրության մրցույթը:
«Այս շաբաթ կկնքվի պայմանագիր հաղթող ընկերության (կոնսորցիումի) հետ, այնուհետև կապահովվի ֆինանսական միջոցների հատկացման գործընթացը, որից հետո փաստացի աշխատանքները կարող են մեկնարկել։
Աշխատանքի իրականացման համար հատկացված է 120 օրացուցային օր»,- հայտարարվել է նիստի ընթացքում։
