«Քաղաքացիական պայմանագիր» կուսակցության ներկայացուցիչները՝ ՀՀ վարչապետ Նիկոլ Փաշինյանի գլխավորությամբ, Տավուշի մարզ այցն ավարտել ու հասել են Լոռի:
ՀՀ վարչապետը տեսանյութ է հրապարակել՝ հայտնելով, որ կանգ են առել Ալավերդիում:
Ինչպես հայտնել ենք ավելի վաղ, փետրվարի 28-ին մեկնարկել է «Քաղաքացիական պայմանագիր» կուսակցության ընտրական ցուցակի ձևավորման համար անցկացվող ներկուսակցական քարոզարշավը։
Նախապես տեղի ունեցած քվեարկության արդյունքում առավելագույն ձայն ստացած թեկնածուները վարչապետի գլխավորությամբ ուղևորվում են մարզեր, հանդիպում քաղաքացիների հետ:
Այսօր ՔՊ թիմն ուղևորվել է Տավուշ և Լոռի. վարչապետը տեսանյութեր է հրապարակել Դիլիջանից, մարզկենտրոն Իջևանից, նաև հայտնել, որ կանգառ են ունեցել Ոսկեպարի եկեղեցում:
Վերջին տեսանյութում ՀՀ վարչապետը տեղեկացրել է, որ հասել են Նոյեմբերյան:
